Finni færist nær markmiðinu!

Finni spilaði stórvel á Skaganum nú helgina þegar Haddi, Gummi og Finni tóku hring á Garðavelli sem er í fantaflottu formi. Finni setti niður tvo fugla á hringnum og var sjóðandi heitur, endaði á 39 punktum og fékk 1.5 í lækkun en hann er búinn að setja sér markmið að komast niður fyrir 20 í sumar. Gummi Hrafn byrjaði með látum og fékk fugl á fyrstu holunni en hann varð að hætta leik eftir níu holur þar sem hann var mjög slæmur í baki.

Mót 2 í Rok og rigningar mótaröðinni!

Jæja loksins kemur smá pistill um mót nr. 2 hjá GíR klúbbnum. Mót nr. 2 fór fram í talsverðri rigningu í Leirunni, spilamennskan var hins vegar mun betri en í móti nr. 1 hjá flest öllum sem tóku þátt í mótinu. Jói var sjóðandi heitur og fékk loksins lækkun eftir að hafa verið á stöðugri uppleið síðustu árin, hann kom í hús á 39 punktum. Baldur var í öðru sæti á 37 punktum og Haddi var í þriðja sæti á 36 punktum.

Bjöggi bætti sér það upp að hafa ekki mætt í fyrsta mótið og tók bæði nándarverðlaunin í móti nr. 2. Bjöggi var næstur holu á holu nr. 4 Bergvíkinni  og komst hann nær holu en Baldur. Hann var svo sá eini sem var inná flöt á 13 holu. 

 

Gummi Helgi, Finni og Óli Gylfa voru fjarverandi í þessu móti.

Skrár tengdar þessari bloggfærslu:

• Staðan eftir 2 mót.

Mót 1 á, Nivea for men - mótaröð GíR

Fyrsta mót GíR fór fram í Þorlákshöfn í gær, mótið einkenndist af roki, rigningu og miklum sandi.  Baldur hafði sigur með þriggja punkta forskoti á Jóhann sem var hins vegar sjóðandi heitur á par 3 brautunum, hann tryggði sér bæði nándarverðlaunin sem voru í boði á þessu fyrsta móti ársins. 

Helstu tilþrifin í holli tvö voru tveir fuglar hjá Gumma og Hadda en Gummi bætti svo um betur þegar hann sló í rauða teigmerkið á níunda teig og boltinn kastaðist til baka á stíg sem var fyrir aftan teiginn (náði s.s. ekki framfyrir kvennateig). Óli Gylfa var að venju hraður í niðursveiflunni sem varð einu sinni til þess að hann náði ekki fram fyrir kvennateiginn.

Eins og áður sagði náði Jói báðum nándarverðlaununum á þriðju og tíundu holu, en annnars var skorið á þessu fyrsta móti ársins ekki hátt en sigurvegarinn var á 31 punkt en sá sem kom síðastur var á 19 punktum.

Gestaspilari í Þessu móti var hinn gamalkunni handknattleiksmaður úr gullaldarliði Víkings Páll Björgvinsson, hann var beinskeittur með dræverinn en ekki liggja fyrir upplýsingar um frammistöðu hans í þessu móti.

Skrár tengdar þessari bloggfærslu:

• Staðan í GíR 2010

Aðalfundur 18.4 2009

Fundargerð:
Mættir á réttum tíma - Finni, Haddi, Jói, Berti, Bjöggi, Balli, Gústi
Útilegumót - 5-7. júní (Öndverðarnes)
Meistaramót - 28.29 ágúst
Slutmót - 19 september
GíR mótaröðin:
Mót 1 - 26. maí
Mót 2 - 29. júní
Mót 3 - 7. júlí
Mót 4 - 11. ágúst

Bikarkeppni GíR:
1 umf.
1.Gummi - Robbi
2.(Maggi) - Baldur
3. Jói - Gústi
Sitja hjá - Gummi Helgi, Haddi, Finni, Óli og Bjöggi
2 umf.
1. Sigurvegari úr leik nr. 3 í 1 umf. - Bjöggi
2. Gummi Helgi - sigurvegari úr leik 1 í 1 umf.
3. Finni - Haddi
4. Óli - sigurvegari úr leik 2 í 1 umf.
3 umf.
Sigurveg. 1 - Sigurveg. 3
Sigurveg. 2 - Sigurveg. 4

Þeir sem hafna í efstu sætunum í bikarkeppninni 2009 sitja hjá í fyrstu umf. 2010

Punktagjöf
Mót gefa neðangreinda punkta:
1 250
2 150
3 95
4 70
5 55
6 50
7 45
8 43
9 40
10 37.5
11 35.0

Útilegumótið gefur 1,5 vægi
Meistarmótið gildir sem tvö stök mót í GÍR mótaröðinni.

Texas scramble mót : 12 júní
Veiðimótið :

Þátttökugjöld mótaröð 2009: 8.000

Aðalfundur - Dagskrá 18.4

Kl.12.00 - Golf í Sandgerði, Þorlákshöfn eða Grindavík.

Kl.18.15 - Mæting heima hjá Finna (aðalfundur hefst kl. 18.30)

- Kosning um inntöku nýs lims.

- Mótaskrá 2009, mótaröðin og bikarkeppnin.

- Umræður um breytingu á stigagjöf og mótum

- Önnur mál

Kl.20.00 Matur á Eldbökunni (göngufæri frá Finna, Finni sér um að panta borð)

Kl.21.30 KíRnar mæta á svæðið eftir annasaman dag með börnum og kvöldverð á Saffran.

Aðalfundur GÍR!

Aðalfundurinn verður haldinn heima hjá Finna laugardaginn 18. apríl!

Hugleiðing um breytingu á stigagjöf!

Þar sem það styttist í aðalfundinn legg ég til að breyting verði gerð á stigagjöf á GÍR mótaröðinni og við notumst við það kerfi sem er í gangi á PGA mótaröðinni í keppninni um Fedex bikarinn. Hér að neðan má sjá stigakerfið eins og það er fyrir mót á PGA mótaröðinni í fremri dálk og í aftari dálkinum er stigakerfið eins og það er fyrir önnur mót en stórmótin á PGA mótaröðinni.
Menn geta velt þessu lítillega fyrir sér fyrir aðalfundinn þar sem ég legg til að kosið verði um þessa breytingu.
Legg til að stigin í fremri dálkinum verði í boði fyrir sigur á meistaramótinu og útilegumótinu, stigaröðin í aftari dálkinum verði fyrir sigur í mótaröðinni.

Sæti
1 500 250
2 300 150
3 190 95
4 135 70
5 110 55
6 100 50
7 90 45
8 85 43
9 80 40
10 75 37.5

GíR mót nr.1

Þá er fyrsta mót ársins í GíR mótaröðinni að baki, skemmst er frá því að segja að einungis einn leikmaður spilaði á yfir 30 punktum og sigraði hann mótið með miklum yfirburðum.  Óhætt er að segja að vorbragur hafi verið á spilamennskunni í Þorlákshöfn og völlurinn var fljótur að refsa þegar menn lentu utan brautar.

Úrslit urðu eftirfarandi Björgvin var með 35 punkta, Guðmundur Helgi var með 29 punkta eins og Finni en Gummi Helgi var betri á seinni níu holunum. Nándarverðlaunin hirtu Bjöggi og Baldur!

Staðan eftir fyrsta mót verður birt í næsta bloggi.

 

Mánudagsmótaröðin 19.05

Mánudagsmótaröðin hófst með miklum krafti og var greinilegt að menn voru mættir til að skora.  Eftir fyrstu þrjár brautirnar var nokkuð ljóst að allur kraftur var farinn úr flestum.  Þó sýndi Bjöggi diskótakta og var mikið fyrir Bogey....  Endaði geimið þannig að menn létu 9 holur duga til að spara sig og koma gríðarlega sterkir inn í fyrsta GÍRmótið þann 20.05.

Fyrsta GíR mót ársins

Fyrsta mót ársins mun fara fram í Þorlákshöfn í dag, munu allir meðlimir GÍR taka þátt í mótinu nema Robbi sem er í skólanum og svo er spurning hvort Gummi Helgi finni golfkylfurnar í skúrnum.

Búist er við jöfnu og spennandi móti á erfiðum velli! Vindurinn á að aukast með kvöldinu og getur hann haft úrslita áhrif á linksaranum í Höfninni. 

Mánudagsmótaröðin hófst í gær á Oddinum en ekki hafa farið neinar sögur af spilamennsku manna þar!

HJ