Bikarkeppni GíR

Gústi og Haddi spiluðu í átta manna úrslitum í bikarnum í gær, blíðskapa veður og Grafarholtið í sínu besta formi.  Haddi byrjaði vel og vann fyrstu sex holurnar, Gústi saxaði á forskotið og þegar komið var á 12 holu var forskotið komið í niður í tvær holur. Haddi vann þá þrjár holur í röð og tryggði sér 5/4 sigur.

 Haddi mætir Baldri í 4 manna úrslitum og Jói mætir Magga eða Gumma Helga!

Meistaramót GíR 2010

Meistaramót var spilað á Garðavelli og Leirdal GKG í sól og strekkings vindi dagana, 19 og 20 ágúst.

Finni leiddi mótið eftir fyrsta keppnisdag og vann þar með GÍR mót nr.5, á seinni keppnisdegi færðist spenna í mótið og þegar yfir lauk voru Jói, Óli og Finni jafnir. Jói var með flesta punkta á seinni keppnisdeginum og sigraði þar með í GíR móti nr. 6 og tryggði sér um leið sigur á GÍR mótaröðinni 2010.

Jói, Finni og Óli fóru í bráðabana um meistaramóts titilinn og spiluðu fyrstu holuna í Leirdalnum, Jói fór hana á 5 höggum en Óli og Finni á 7 höggum og tryggði Jói sér því sigur á fyrstu umspils holu. Óli Gylfa og Finni spiluðu 18 holuna í Leirdalnum í bráðabana um annað sætið í GíR meistaramótinu. Finni fór hana á 6 höggum en Óli á 5 og varð Óli því annar í meistaramótinu.

Myndasería kemur innan skamms.

Fjórða GÍR mót ársins og bikarinn!

Óli Gylfa sigraði í fjórða GíR móti ársins, Gummi Helgi varð í öðru sæti og Gummi Hrafn í því þriðja. Ánægjulegt að sjá að yfirráðum Baldurs og Jóa í efstu sætunum er lokið.

Af bikarnum er að það að frétta í leik Jóa og Gumma að GPS-inn virkaði ekki hjá Gumma og hann var sleginn út
úr bikarnum. Úrslitin réðust á síðustu holunni í mjög jöfnu geymi. Jói heldur því áfram og Gummi fellur út.

Útilegumót 2K10 - úrslit

Útilegumótið tók óvænta stefnu þetta árið, ferðinni var heitið á Apavatn en endaði í Varmalandi í bongó blíðu og 20 stiga hita. Gústi tók suðurleiðina og endaði hann í 6 tíma ferðalagi.  Spilað var á Hamri í Borgarnesi og var völlurinn uppá sitt besta. Skorið var ágætt en greinilegt að sumir eru vanari að spila í USA (sól og hiti) en hinir.

Skemmst er frá því að segja að Baldur tryggði sér sigur enn einu sinni og er hann á húrrandi siglingu í lækkun á forgjöf þessa dagana. Jói og Gústi enduðu báðir á 35 punktum en Gústi var betri á seinni 9 holunum.  Aðrir voru verri og var síðasti maður með 29 punkta.  Gummi Helgi tók fyrri nándarverðlaunin á annarri holu og Baldur þau seinni á áttundu holu.

Baldur er kominn með nokkuð þægilegt forskot á mótaröðinni en Jói er að veita honum smá samkeppni.  Í liðakeppninni var mikil spenna og voru tvö lið jöfn að stigum, Jói og félagar unnu á fleiri samanlögðum punktum á seinni níu.

Maggi spilaði á Flúðum og skildi ekkert í því afhverju enginn var á svæðinu, lagði inn kæru til mótanefndar en hafði ekki erindi sem erfiði.  Bjöggi var forfallaður vegna tvíburana og var of illa sofinn og treysti sér ekki til mæta.

Aðrir voru mættir og skal taka fram að Gummi Helgi mætti í útileguna í fyrsta sinn, eitt klapp fyrir honum og hans fjölskyldu.

Skrár tengdar þessari bloggfærslu:

• Staðan eftir 3 mót.

Útilegumótið 2010

Nú styttist í útilegumótið 2010 og hefur verið ákveðið að spila í Öndverðarnesi, 18 holu velli en útilegumót GÍR hefur ekki verið haldið þar áður. Völlurinn er kominn í 18 holur og hefur uppá margar skemmtilegar brautir að bjóða.  Völlurinn er krefjandi og verður forvitniegt að fylgjast með hver stendur uppi sem útilegumeistari ársins 2010.

Jói og Baldur hafa byrjað tímabilið með látum og skipst á að vera í fyrsta og öðru sæti í mótunum á árinu og er það hlutverk minni spámanna að koma í veg fyrir að svo verði á þessu móti. Kylfingar eins og Finni, Maggi, Gústi og Óli Gylfa geta komið skemmtilega á óvart um helgina.

 Útilegan verður á Apavatni annað árið í röð, tjaldstæðið þar er nokkuð skemmtilegt og heyrst hefur að Finni muni verða á nýrri græju þetta árið??????????

Hópurinn treystir á að Gústi græji fyrir okkur besta stæðið á tjaldstæðinu.

Eru ekki allir í stuði á Apavatni! hehehehehehe